Nice stuff
اليوم المود اني اكتب عربي .. امممم .. قبل شوي شفت حلقة اليوم من هي و هو ب ام بي سي .. صراحه البرنامج كيوت مره و حلو .. و ممتع .. صحيح يمكن مافي هدف معين .. بس يخلينا نفكر بحياتنا اليوميه بطريقه ثانيه و يخلينا ننظر لعلاقتنا الشخصيه بكل شي .. انا صراحه احب الريلاتي شو .. او حتى اني اقرا البلوقز الثانيه .. احلى شي انه نشوف كيف الناس تعيش و تتفاعل مع الاشياء اللي حوالينها
بكره راح يكون اول يوم دوام بعد الاجازه .. ظبعا هذي الاجازه كانت بالمره مو زينه بالنسبه لنا .. كلنا مرضنا =( بكره بكمل اسبوع و الكحه و الزحمه معاي ! من جد الانفلونزا تهلك ! ف اليوم رحت و استأذنت ! ما قدرت اكمل الدوام لا جسميا و لا نفسيا ! صدمه بعد هالاسبوع اني اداوم خخخخخ
بس احلى شي انو الاسبوع الي راح رحنا النوفيتيل بالبحرين .. من جد كان المكان رااااايق و على البحر .. و الجو كان خياااال
احاول اني افكر تفكير انه الدوام حلووو و انه وناسه و الجلسه الصباح مع ريحة الكوفي تهبل ! و اكيد بيأثر هالتفكير فيني ولو شي بسيط ! لأني بروح يعني بروح ! ف ليه اجلس اقلق حالي و اسوي زحمه ! مع اني اكتشفت انه الانسان ما يعجبه الا اللي مو عنده ! يعني اول قبل ما اتوظف كنت يااااااااا الله على الطفش و كارهه حالي و ملل و ماعندي هدف الخ .. وانه لو توظفت بكون اسعد انسانه ! و الحين صحيح اني مو مكتئبه .. بس لازم تجيني حالات انه يا الله ! ابي انام و مابي التزم ب شي و ابي اجلس و ارتاح بالبيت ! ف الانسان دائما ينظر للشي اللي مو بيده
انا ما ادري هل في ناس تتابع البلوق تبعي او لا .. لأني ما اشوف اي تعليقات بس اكيد في لأني ياما دخخلت بلوقز و ما علقت و لا سويت شي بس استانس اقرا سوالف الناس
قوود نايت =) و انجوووي
ليست هناك تعليقات:
إرسال تعليق